কাজিৰঙা ৰাষ্ট্ৰীয় উদ্যানত ঢেকীয়াপতীয়া বাঘৰ মৃতদেহ উদ্ধাৰ…

June 6, 2021 0 By Biraj Kalita

কাজিৰঙা ৰাষ্ট্ৰীয় উদ্যানৰ কঁহৰা বনাঞ্চলৰ বিহদিয়া বন শিৱিৰ এলেকাত উদ্ধাৰ ঢেকীয়াপতীয়া বাঘৰ মৃতদেহ৷

কহঁৰা বনাঞ্চলত বনকৰ্মীৰ ৰেচন দিবলৈ যোৱা  এটা বিভাগীয় হাতীৰ মাউটে বিহদিয়া বনশিৱিৰ এলেকাৰ চিদা কাঠনিৰ সমীপত বাঘটোৰ মৃতদেহ প্ৰত্যক্ষ কৰি বন শিৱিৰক অৱগত কৰে।

পিছত ঘটনাস্থলীত কাজিৰঙাৰ ডি এফ অ’ ৰমেশ কুমাৰ গগৈৰ নেতৃত্বত বনাঞ্চলিক বিষয়া বিভুতি ৰঞ্জন গগৈৰ লগত যোৱা বিভাগীয় পশু চিকিৎসক ডাঃ কৰণাকান্ত ডেকা আৰু ডাঃ চামচুল আলীয়ে মৃত বাঘটোৰ মৰোণোত্তৰ পৰীক্ষা সম্পন্ন কৰে৷

মৰোণোত্তৰ পৰীক্ষাত তিনি বছৰীয়া মতা বাঘটো অন্য বাঘৰ সৈতে হোৱা পাৰস্পৰিক যুঁজত পাঁচদিন মানৰ আগতে মৃত্যু হোৱা বুলি পশু চিকিৎসকে জনায়৷

মৰোণোত্তৰ পৰীক্ষাৰ পিছত বাঘটোৰ মৃতদেহটো ৰাষ্ট্ৰীয় ব্যাঘ্ৰ সংৰক্ষণ প্ৰাধিকৰণৰ নিৰ্দেশ মতে সকলোৰে উপস্থিতিত ঘটনাস্থলীতে দাহ কৰা হয়।