ঘৰত ভিতৰত মাটিৰ তলত উদ্ধাৰ ১০ কোটি টকাৰ ড্ৰাগছ, তিনিজনক গ্ৰেপ্তাৰ…

July 1, 2021 0 By Biraj Kalita

ড্ৰাগছৰ বিৰুদ্ধে অব্যাহত আছে আৰক্ষীৰ অভিযান।

গোৱালপাৰাৰ ভালুকডুবিত উৎখাত ড্ৰাগছৰ ঘাটি।

ঘৰৰ ভিতৰত মাটিৰ তলত পুতি থোৱা অৱস্থাত উদ্ধাৰ বৃহৎ পৰিমানৰ ড্ৰাগছ।

১০ কোটি টকাৰ হেৰ’ইন, কফচিৰাপ, নিচাযুক্ত টেবলেট জব্দ কৰে আৰক্ষীয়ে।

লগতে আৰক্ষীয়ে জব্দ কৰিছে ড্ৰাগছ প্ৰস্তুত কৰা কেইবাটীও মেচিন।

অভিযানত আৰক্ষীৰ জালত পৰিছে জাহাংগীৰ আলম, চাদ্দাম হুছেইনৰ লগতে চাবিনা ইয়াছমিন নামৰ এগৰাকী মহিলাক।

গোৱালপাৰা জিলাৰ আৰক্ষী অধীক্ষক ৰাকেশ ৰেড্ডী আৰু অতিৰিক্ত আৰক্ষী অধীক্ষক মৃণাল ডেকাৰ নেতৃত্বত চলে এই ড্ৰাগছ বিৰোধী অভিযান।

পুৱতি নিশাৰ পৰা অভিযান চলাই জব্দ কৰে এই বৃহৎ পৰিমানৰ ড্ৰাগছখিনি।

ধৃত লোক তিনিজনৰ পৰাই চুবুৰীয়া ৰাজ্য মেঘালয়ৰ লগতে নামনি অসমৰ বিভিন্ন প্ৰান্তলৈ ড্ৰাগছ সৰবৰাহ হৈছিল বুলি জানিব পৰা গৈছে।