চাহ বাগিচাৰ পথৰ দাঁতিত উদ্ধাৰ ক’ভিড ৰোগীৰ মৃতদেহ, তীব্ৰ প্ৰতিক্ৰিয়া…

June 1, 2021 0 By Biraj Kalita

ডিব্রুগডৰ ৰ’মাই চাহ বাগিচাত সংঘটিত হৈছে এক চাঞ্চল্যকৰ ঘটনা।

ক’ভিডত মৃত্যু হোৱা এজন ৰোগী পথৰ কাষত পেলাই থৈ যোৱাক কেন্দ্র কৰি সৃষ্টি হৈছে উত্তপ্ত পৰিস্থিতি৷

ক’ভিডত আক্রান্ত হৈ চিকিৎসালয়ত মৃত্যু হোৱা ভীম ভূঞা নামৰ এজন শ্রমিকৰ মৃতদেহ সোমবাৰে পথৰ কাষত উদ্ধাৰ হোৱা ঘটনাই সৃষ্টি কৰিছে তীব্র চাঞ্চল্য৷

কিন্তু কিয় আৰু কেনেকৈ, কি পৰিস্থিতিত ৰোগীজনৰ মৃতদেহ ফুটপাথ পালেহি, সেয়া এতিয়াও ৰহস্যৰ অৱৰ্তত৷

এই ঘটনাৰ পাছতেই উত্তপ্ত হৈ পৰিছে ডিব্রুগডৰ ৰ’মাই চাহ বাগিচা৷

জানিব পৰা মতে, যোৱা ২৮ মে’ত ৰ’মাইৰ ভীম ভূঞা নামৰ লোকজনৰ দেহত ক’ভিডৰ উপস্থিতি ধৰা পৰাত ডিব্রুগডৰ ডনবস্ক’ স্কুলৰ ক’ভিড কেয়াৰ চেণ্টাৰত ভর্তি কৰোৱা হৈছিল৷

পিছত শাৰীৰিক অৱস্থা অতি শোচনীয় হোৱাত ডনবস্ক’ স্কুলৰ ক’ভিড কেয়াৰ চেণ্টাৰৰ পৰা ১০৮ৰ জৰিয়তে অসম চিকিৎসা মহাবিদ্যালয় হাস্পতাললৈ নিয়া হৈছিল৷

কিন্তু ক’ভিডত আক্রান্ত হৈ থকা ৰোগীজনৰ মৃতদেহ ৰহস্যজনকভাৱে অসম চিকিৎসা মহাবিদ্যালয়ৰ সমীপৰ ৰাধা–কৃষ্ণ মন্দিৰৰ সমীপৰ ফুটপাথত উদ্ধাৰ হয়৷ ইয়াৰ পাছতেই সৃষ্টি হৈছে উত্তপ্ত পৰিস্থিতি৷

বাগিচাখনৰ শ্রমিকসকল প্রতিবাদমুখৰ হৈ পৰিছে৷ পৰিস্থিতি নিয়ন্ত্রণ কৰিবলৈ মোতায়েন কৰা হৈছে আৰক্ষী আৰু অর্ধসামৰিক বাহিনী৷ 

ইতিমধ্যে স্বাস্থ্যমন্ত্রী কেশৱ মহন্তই জিলা উপায়ুক্তক তদন্তৰ নির্দেশ দিয়ে বুলি জানিব পৰা গৈছে৷