নিবিদা দিয়াক কেন্দ্ৰ কৰি উন্নয়ন খণ্ডৰ কাৰ্যালয়ত বিজেপি-কংগ্ৰেছ দলৰ সমৰ্থকৰ মাজত প্ৰচণ্ড মাৰপিট…

June 22, 2021 0 By Biraj Kalita

চামগুৰি উন্নয়ন খণ্ডৰ কাৰ্যালয়ত নিবিদা দিয়াক কেন্দ্ৰ কৰি উত্তপ্ত পৰিস্থিতি।

বিজেপি আৰু কংগ্ৰেছ দলৰ দলীয় কৰ্মী সমৰ্থকৰ মাজত প্ৰচণ্ড মাৰপিটৰ ঘটনা সংঘটিত হৈছে।

উন্নয়ন খণ্ডটোৰ অন্তৰ্গত বিল, সাপ্তাহিক বজাৰসমূহৰ বাবে আছিল নিবিদা দিয়াৰ দিন।

পুৱাৰে পৰা বাজিয়া গাঁও ব্লকৰ বিজেপিৰ সভাপতি প্ৰাণজিৎ বৰাৰ নেতৃত্বত বিজেপিৰ সমৰ্থক নিবিদাকাৰীসকলে শান্তিপূৰ্ণভাৱে নিবিদা দিয়ে যদিও কংগ্ৰেছ দলৰ সমৰ্থক সকলে নিবিদা দিবলৈ আঁহোতেই সৃষ্টি হয় উত্তপ্ত পৰিস্থিতিৰ।

কংগ্ৰেছৰ বাহন ক্ষতি কৰাৰ লগতে কংগ্ৰেছৰ সৰ্মথককো লপা-থপা বিজেপি সমৰ্থকে।

অৱশেষত কলিয়াবৰ মহকুমা আৰক্ষী বিষয়া মৃন্ময় দাস আৰু চামগুৰি আৰক্ষী থানাৰ ভাৰপ্ৰাপ্ত বিষয়া কৃষ্ণ কান্ত দলেৰ নেতৃত্বত আৰক্ষীৰ এটা দল উপস্থিত হৈ পৰিস্থিতি নিয়ন্ত্ৰণ কৰে।

ৰাইজৰ বিপুল দাবীৰ প্ৰতি সঁহাৰি জনাই অৱশেষত অহা ২৩ জুনত চামগুৰি ৰাজহ চক্ৰৰ কাৰ্যালয়ত পুৱাৰে পৰা নিবিদা জমা দিয়াৰ সিদ্ধান্ত গ্ৰহণ কৰা হয়।