নিউজ ডেস্ক। বিদ্যালয়ৰ পৰা ঘৰলৈ ওভতাৰ পথত এগৰাকী সপ্তম শ্ৰেণীৰ ছাত্ৰী ৰহস্যজনকভাৱে সন্ধানহীন হােৱা ঘটনাই তীব্ৰ চাঞ্চল্যৰ সৃষ্টি কৰিছে যােৰহাট জিলাৰ তিতাবৰত৷
নিৰুদ্দিষ্ট ছাত্ৰীগৰাকী নাম শিল্পা হাজৰিকা৷
স্থানীয় শংকৰদেৱ উচ্চ ইংৰাজী বিদ্যালয়ত সপ্তম শ্ৰেণীত অধ্যয়নৰত ৷
জানিব পৰা মতে, তিতাবৰৰ নগাবাট অভয়পুৰীয়াৰ সপ্তম শ্ৰেণীৰ ছাত্ৰী শিল্পা হাজৰিকাই প্ৰতিদিনৰ দৰেই যোৱা ২ ছেপ্টেম্বৰত বিদ্যালয়লৈ গৈছিল।
কিন্তু ৰহস্যজনকভাৱে বিদ্যালয় ছুটী হোৱাৰ পাছতো ঘৰলৈ উভতি নাহে ছাত্ৰীগৰাকী ৷
পৰিয়াল আৰু আত্মীয়ই বিভিন্ন ঠাইত ছাত্ৰীগৰাকীৰ সন্ধান বিচাৰি খা-খবৰ কৰে যদিও কোনো সন্ধান নাপায়৷
ইয়াৰ পিছতে যােৱা ৩ ছেপ্টেম্বৰত ছাত্ৰীগৰাকীৰ পৰিয়ালৰ লোকে পানীখেতি আৰক্ষী চকীত এজাহাৰ দাখিল কৰে৷
আৰক্ষীয়ে এই সন্দৰ্ভত এক গােচৰ ৰুজু কৰি তদন্ত অব্যাহত ৰাখিছে যদিও বর্তমানও কোনো শুংসূত্ৰ নাই ছাত্ৰীগৰাকীৰ৷
