নিউজ ডেস্ক। এক কৰুণ ঘটনা।
বিদ্যুৎস্পৃষ্ট হৈ কৰুণ মৃত্যুক আঁকােৱালি ল’লে এগৰাকী গৃহৰক্ষী জােৱানে।
চৰাইদেউ জিলাৰ সাপেখাতীত সংঘটিত হৈছে এই কৰুণ ঘটনা।
জানিব পৰা মতে, দেওবাৰে সোণাৰি মহাবিদ্যালয়ৰ সোণালী জয়ন্তীৰ সামৰণি অনুষ্ঠানৰ সাংস্কৃতিক অনুষ্ঠান উপভোগ কৰি কৰ্মস্থান বৰহাটলৈ আহি থকা অৱস্থাত সাপেখাতী বৰুৱানগৰ কছাৰীপথাৰত পথৰ ওপৰত পৰি থকা এডাল উচ্চ ক্ষমতা সম্পন্ন বিদ্যুত পৰিবাহী তাঁৰৰ সংস্পৰ্শলৈ আহি কৰুণ মৃত্যুক সাৱটি লয় হেমন্ত গগৈ নামৰ গৃহৰক্ষী জােৱানজনে।
জানিব পৰা মতে, হেমন্ত গগৈ বৰহাট আৰক্ষী থানাত নিয়োজিত হৈ আছিল।
মৃত হেমন্ত গগৈৰ ঘৰ সাপেখাতীৰ হাঁওফাওঁ গাঁৱত বুলি জানিব পৰা গৈছে।
এই ঘটনাই তীব্ৰ শােকৰ ছাঁ পেলাইছে বৃহত্তৰ অঞ্চলটােত।
