এক শোকাৱহ ঘটনা।
ৰে’ল খুন্দাত মৃত্যুক সাৱটিলে এগৰাকী যুৱতীয়ে।
কামৰূপ জিলাৰ বকোত শুকুৰবাৰে নিশা সংঘটিত হৈছে এই ঘটনা।
বকো থানাৰ অন্তৰ্গত ২নং দক্ষিণ ছেখাদাৰী গাঁৱৰ সভ্যা ৰাভা (২৩) নামৰ যুৱতীৰ মৃত্যুৰ ঘটনাই সৃষ্টি কৰিছে চাঞ্চল্যৰ।
জানিব পৰা মতে, ২নং দক্ষিণ ছেখাদাৰীগাঁৱৰ সভ্যা ৰাভা (২৩) নামৰ যুৱতী গৰাকীয়ে ১নং দক্ষিণ ছেখাদাৰীগাঁৱৰ যুৱক প্ৰিয়দেৱ ৰাভালৈ পলাই যায়।
কিন্তু প্ৰিয়দেৱ ৰাভাৰ বায়েক আৰু ভিনিহিয়েকৰ বোৱাৰী হিচাপে সভ্যা ৰাভাক পছন্দ নোহোৱাত তেওঁলোকে শুকুৰবাৰে পলাশবাৰীৰ আন এগৰাকী যুৱতীক বোৱাৰী হিচাপে লৈ আনে।
এই কথাত দুখ পাই নিশা প্ৰায় ১০ বজাত সভ্যা ৰাভাই ঘৰৰ কাষৰ কামাখ্যা-যোগীঘোপা ব্ৰডগজ ৰে’লপথেৰে চলাচল কৰা ৰে’লৰ সন্মুখত জপিয়াই জীৱন ত্যাগ কৰে।
